MIDI
The Overgate
Now as I gaed up the Overgate I met a bonnie wee lass
She winked tae me wi' the tail o' her e'e as I was a-walkin' past
cho: Wi' me too-ran-ay, lilt-for-laddie
Lilt-for-laddie, too-ran-ay
Noo, I asked her if she'd tak a glass, she said she'd like it fine,
Says I: "I'm ower frae Auchtermuchty tae the market wi' some swine"
Noo, I took her tae a sittin' room, a wee bit doon the burn
It's true what Robbie Burns said: "A man was made to m'urn"
She'd four hot pies and porter, she swallid them baith galore;
She ate and drank as much hersel' as an elephant or a score
O, then we baith get up the stair to hae a contented night
When an a'ful knock cam to the door at the breakin' o' the light
O, it was a big fat bobby, he got me by the top o' the hair
And he give me the whirlijig right doon to the foot o'the stair
Noo, I get up the stair again, I was seekin' oot my claes
You'd better gang oot o' this, young man, or I'll gie ye sixty days
Says I: "I've lost my waistcoat, my watchchain and my purse."
Says she: "I've lost my maidenhead and that's a damn sight worse"
O noo, I'll go back to Auchtermuchty an' contented I will be
With a-breakin' o' my five pound note wi' a lassie in Dundee.
Note: alt. chorus:
Wi' my roving eye
Fal-the-doo-a-die
My rovin' di-dum-derry
Wi' my roving eye.
From Folksongs of Britain and Ireland, Kennedy
Collected from Belle Stewart, 1954
Recorded by Jean Redpath